Монгол Улсын U18 насны шигшээ баг ФИБА Азийн U18 насны аварга шалгаруулах тэмцээнд оролцохоор Йордан Улсын Амман хотыг зорилоо. Энэ нь манай улсын сагсан бөмбөгийн өсвөрийн шигшээ баг 12 жилийн дараа дахин Ази тивийн талбайд өрсөлдөж буй явдал юм.

ФИБА Азийн U18 насны аварга шалгаруулах тэмцээн 2024 оны 9 сарын 02-10-нд зохион байгуулагдах ба манай баг Австрали, Ливан, Тайвань улсын багтай нэг хэсэгт орсон байна. 

МСБХ болон Йордан Улсын сагсан бөмбөгийн холбооны хамтын ажиллагааны хүрээнд монголын баг гурван хоногийн өмнө очиж хамтарсан бэлтгэл, тоглолт хийхээр болсон. Монголын багийн эхний тоглолт Автсрали улсын багтай 9 сарын 2-нд болох аж.

Багийн бүрэлдэхүүнд:

• МСБХ-ны шигшээ багийн албаны дарга М. Отгонбаяр
• Ахлах дасгалжуулагч Ц. Азбаяр
• Дасгалжуулагч Б.Тамжид (Бишрэлт Металл) , Э.Дашням (УСУГ), Д.Тасхүү (Сүхбаатар аймаг)
• Хүчний дасгалжуулагч У. Төгсцогт
• Physiotherapist Б. Дулам

Тоглогчдын бүрэлдэхүүнд:

1. Г. Балжинням (Говьсүмбэр аймаг, 197см)
2. Э. Ирмүүн (Баянгол дүүрэг, 199см)
3. А. Долгион (1-р сургууль, Hokkaido sakae high school, 194cм)
4. О. Дөлгөөн (Модун клуб, 189см)
5. Э. Тэмүүжин (Сүхбаатар аймаг, 184см)
6. Э. Одсүрэн (SCF клуб, 188 см)
7. Г. Сумьяабазар (Өмнөговь аймаг, 182 см)
8. Т. Золзаяа (Өмнөговь аймаг, 180 см)
9. Г. Түвшинжаргал (Сүхбаатар аймаг, 185 см)
10. М. Мөнхтулга (Баянгол дүүрэг, 197 см)
11. Э. Энхжавхлан (Багийн ахлагч, Сүхбаатар аймаг, 184 см)
12. С. Очир (Логарифм, Haguro High School, 197см) нар багтаж байгаа юм.