“FIBA 3x3 Women Series”-ийн улирал дуусаж, дэлхийн чансааны эрэмбэ шинэчлэгдлээ. Монгол улсын эмэгтэй шигшээ багийн тамирчид анх удаа “FIBA 3x3” сагсан бөмбөгийн Дэлхийн чансааны эхний 10 болон 20 байр дотор эрэмбэлэгдлээ.

Шинэчлэгдсэн чансаагаар Монгол улсын шигшээ багийн тамирчин О.Хулан есдүгээр байрт, Монгол улсын шигшээ багийн тамирчин Б.Ариунцэцэг 13 байрт тус тус эрэмбэлэгдсэн байна. 

Түүнчлэн  Монгол улсын эмэгтэй шигшээ баг Улаанбаатар хотноо зохион байгуулагдсан “FIBA 3x3 Women Series” тэмцээнд түрүүлж, түүхэндээ анх удаа Дэлхийн цуврал тэмцээний аваргаар тодорсон билээ.