Хүнд тоглолтоос амаргүй хожил авлаа
О.Пүрэвсүрэн
2024-09-02
Манай улсын шигшээ баг FISU-AUB Азийн Оюутны аварга шалгаруулах тэмцээнд СИТИ их сургуулийн нэр дээрээс оролцож байгаа билээ. Тэгвэл Улаанбаатар хотын 15 цагаас эхний тоглолтоо Филиппины шигшээ багтай хийж хожлоо авлаа.
Гурван үеийн турш оноо дутуу явсан манай улсын баг тоглолтын 4-р үед онооны зөрүүг ойртуулан улмаар илүүрхэж тус тоглолтод 73-70-аар ялалт байгууллаа. Багийн ахлагч А.Энхбаясгалан үүргээ сайн биелүүлж 15 оноогоор багаа тэргүүлсэн бол тоглолтын хэмнэлийг эргүүлж, эргэн ирэлт хийхэд гол нөлөөг багийн хамгаалан тоглогч Б.Барсболд үзүүллээ. Түүний хувьд тус тоглолтод 13 оноо авчээ.
Мөн тус тоглолтод Т.Ууганбаяр 12, Н.Мөнхчөдөр 10, Б.Сүхбат 8 оноо авсан байна. Дараагийн тоглолтуудад багтаа нөлөө үзүүлэхүйц туршлагатай тоглогчид манай шигшээ багт буй. Есдүгээр сарын 4-нд 16 цагаас дараагийн учраа болох Хонгконгийн шигшээ багтай тоглоно.
Сэтгэгдэл үлдээх