"Парис 2024" паралимпын наадамд Монгол Улсын шигшээ багийн тамирчин Д.Сэлэнгээ Байт харвааны эмэгтэйчүүдийн рекурв төрөлд өрсөлдлөө.

Спортын мастер Д.Сэлэнгээ Италийн 38 настай Элизабета Миньотой хүрэл медалийн төлөө цэц мэргэнээ сорьж, ялагдал хүлээн дөрөвдүгээр байр эзэллээ.

Спортын мастер Д.Сэлэнгээгийн амжилтаас дурдвал "Дубай 2022" пара байт харвааны дэлхийн аварга шалгаруулах тэмцээний багийн төрөлд хүрэл медаль, Ази тивийн аварга шалгаруулах тэмцээний хүрэл медаль, "Парис 2024" Паралимпын наадмын эрх олгох тэмцээний хүрэл медаль хүртэж байсан амжилттай.