УИХ-ын чуулганы нэгдсэн хуралдаан үргэлжилж байна. 

Чуулганы нэгдсэн хуралдааны үеэр УИХ-ын гишүүн П.Ганзориг хотын газар чөлөөлөлт хэр явж байгаа талаар асуулт асууж, ажлын хэсгээс хариулт авахыг хүссэн юм. Ажлын хэсэгт нийслэлийн удирдлагууд багтсан бөгөөд асуултад НЗДТГ-ын санхүүгийн албаны дарга хариулсан ч хариултыг хангалтгүй гэж үзэж Хотын даргыг дуудав. Харин Хотын дарга Х.Нямбаатар асуултад хариулахаар нэрээ өгсөн ч чуулган "тасалжээ". 

Энэ талаар УИХ-ын дарга Д.Амарбаясгалан "Хотын дарга ирж байна уу. Чуулганы хуралдаанд ирээгүй хүмүүсийг ирсэн гэж нэр уншуулдгаа болих хэрэгтэй шүү. УИХ-ын Тамгын газар анхаараарай. Баахан хүн ажлын хэсэгт байгаа гэж нэр уншуулдаг ч ажлын хэсгээ төлөөлөөд хариулт өгч байгаа хүн байхгүй. Хотын дарга, удирдлагуудыг ирэхээр уг асуултад хариулуулъя" гэв. 

Нэмэлт 14 цаг 55 минут

Хотын дарга Х.Нямбаатар хүрэлцэн ирж асуултад хариулж байна.